Edicioni 2022/23 në Ligën e Kampionëve do të përmbyllet sonte me finalen e madhe.
Në finale do të takohen Manchester City dhe Interi
Kjo ndeshje do të zhvillohet nga ora 21:00, në “Ataturk Olympic Stadium” të Stambollit.
Man City synon të shkruajë historinë duke triumfuar për herë të parë në Ligën e Kampionëve.
Me një triumf eventual sonte, “Qytetarët” do të kompletonin edhe tripletën për këtë sezon, pasi janë shpallur kampionë në Premierligë dhe Kupën FA.
Në anën tjetër, Interi e ka fituar tre herë në historin trofeun e kësaj gare. Për herë të fundit në vitin 2010.
Këtë sezon, “Nerazzurrët” e kanë fituar Superkupën dhe Kupën e Italisë.
