‘Facebook’ iu kërkua nga ‘establishmenti’ shkencor të hiqte postime të ndryshme në lidhje me Covid-19, të cilat më vonë rezultuan të ishin ‘të diskutueshme apo të vërteta’, tha shefi i Meta-s, Mark Zuckerberg gjatë një interviste në podcast këtë javë.
Duke folur me intervistuesin Lex Fridman në një podcast të lëshuar të enjten, Zuckerberg tha se policimi i përpjekjeve të Facebook për të hequr të pavërtetat është ‘me të vërtetë i ndërlikuar’, shkruan Fox.
“Thjesht merrni disa nga gjërat rreth Covid-it më herët në pandemi,” shpjegoi Zuckerberg.
“Aty ku kishte implikime të vërteta shëndetësore, por nuk kishte pasur kohë për të verifikuar plotësisht një mori supozimesh shkencore.”
Zuckerberg tha në gusht 2021, në një intervistë me CBS gjatë kulmit të pandemisë, se Facebook heq përmbajtjen që platforma e konsideron si ‘të dëmshme’, pasi shkel politikat e kompanisë. Ai gjithashtu deklaroi se në atë kohë, Facebook hoqi rreth 18 milionë postime që u gjykuan se kishin përhapur dezinformata rreth virusit.
Presidenti amerikan Joe Biden ishte ndër kritikët e Facebook në verën e vitit 2021, duke sugjeruar se ai ishte një mjet për shpërndarjen e ‘informacionit të keq’ në mediat sociale, për të cilat ai tha se ‘po vriste njerëz’.
“Shpresa ime është që Facebook, në vend që ta marrë personalisht se në një farë mënyre po them se Facebook po vret njerëz, ata do të bëjnë diçka për dezinformimin,” tha Biden në korrik 2021.
Megjithatë, duke folur me Fridman këtë javë, Zuckerberg tha se ‘establishmenti’ kishte inkurajuar platformën e tij për të miratuar informacione të ndryshme rreth Covid-19, por gjithashtu ‘kërkoi që një mori gjërash të censurohen që, në retrospektivë, përfunduan duke qenë më të diskutueshme ose të vërteta’.
Në vitin 2022, Prokurorët e Përgjithshëm në shtetet e Misurit dhe Luizianës pretenduan se Facebook ishte në mesin e disa kompanive të mëdha të teknologjisë që ishin bashkërenduar me shefin e sëmundjeve infektive në SHBA, Dr. Anthony Fauci për të ‘diskredituar dhe shtypur’ debatet në internet në lidhje me nëse virusi Covid-19 e kishte origjinën nga një rrjedhje laboratori në Wuhan, Kinë.
