Qyteti turistik rus në Detin e Zi, Soçi, u përball me një gjendje emergjente të mërkurën, pasi lumi Matsesta doli nga brigjet e tij për shkak të reshjeve të dendura, duke mbushur rrugët e qytetit me përrenj balte.
Përmbytjet morën para makinat e parkuara dhe përmbytën katet përdhese të shumë ndërtesave në qytet, sipas videove të publikuara në rrjetet sociale.
Pamjet treguan rrugët dhe oborret e qytetit duke u kthyer në liqene të pista të mbushura me mbeturina.
Automjetet janë parë duke lëvizur përgjatë rrugëve të qytetit teksa janë marrë para nga përmbytja. Disa makina gjithashtu u dëmtuan me sa duket nga pemët e prera nga vërshimi i ujit.
Mediat raportuan se autoritetet vendase po mendojnë urdhërimin e një evakuimi në rast të rrëshqitjeve të dheut.
Alarmet dhe altoparlantët janë ndezur në qytet për të njoftuar banorët vendas në rast të një vendimi për evakuim, thuhet në media. Plazhet e qytetit turistik janë mbyllur dhe larja në det është e ndaluar deri në përmirësimin e kushteve.
