Deputeti i PD-së Saimir Korreshi përsëriti sot se Sali Berisha e Lulzim Basha duhet të mënjanohen nga PD-ja nëse duan që demokratët të bashkohen.
I ftuar në emisionin ‘Frontline’ në News24, ai tha se drejtuesit e PD-së duhet të krijojnë frymë për të marrë votat e qytetarëve.
“Gjithë jetën do gënjejmë demokratët? Kam kërkuar që zoti Berisha të mos jetë kryetar i PD, zoti Basha të mos marrë pjesë në garë dhe zoti Alibeaj të mos jetë i përfshirë. Kjo që të bëhet bashkimi i demokratëve. S’kemi gjë ne për ardhjen e zotit Basha, por të gjejmë njerëzit njëherë. Nuk dua të bëhem kryetar i PD-së, por duhet të jemi serioz tek listat. Përse po e kërkojnë gjë në bazë që po rikthehet..? O Lulzim o hero hajde së bëmë shaka. Nuk negocion njeri me humbësit. Nëse nuk krijojmë frymë ne nuk i marrim ato vota.” – tha Korreshi.
