Me lajmin që të pestë njerëzit në bordin e nëndetëses OceanGate Titan kanë vdekur pas një shpërthimi të mundshëm katastrofik.
Kundëradmirali John Mauger i Rojës Bregdetare të SHBA-së, i cili ka udhëhequr operacionin e kërkimit këtë javë, nuk mundi të konfirmonte nëse trupat e pesë viktimave do të ishin në gjendje të gjenden dhe të rikthehen.
Roja bregdetare tha se ekipet do të vazhdojnë të hetojnë vendin e ku u gjetën mbetjet, me disa anije, personel mjekësor dhe teknikë në zonë.
Fokusi do të kalojë gjithashtu në një hetim të mundshëm mbi atë që ka ndodhur në të vërtetë – nëse mund të konfirmohet kategorikisht se një shpërthim shkaktoi vdekjen e atyre që ishin në bord dhe, nëse po, kur dhe pse ndodhi.
Familjet dhe miqtë e atyre që humbën në anijen Titan u bënë nderimet të dashurve të tyre.
Të afërmit e zhytësit të njohur francez Paul-Henri Nargeolet thanë se ai do të mbahet mend si “një nga eksploruesit më të mëdhenj të detit të thellë në historinë moderne”. 77-vjeçari njihej si eksperti kryesor i Titanikut në botë, i cili kishte përfunduar më shumë se 35 zhytje në anijen e mbytur oqeanike.
Familja Dawood, e cila është në pikëllim pas humbjes së Shahzada Dawood, 48 vjeç dhe djalit të tij Suleman, 19, tha: “Familja mbetet e mbingarkuar me dashurinë dhe mbështetjen që ka marrë dhe është mirënjohëse për ata që treguan më të mirën njerëzore.”
Familja e eksploruesit miliarder britanik Hamish Harding e ka quajtur atë “një baba të përkushtuar” dhe ka thënë: “Nëse mund të marrim ndonjë ngushëllim të vogël nga kjo tragjedi, është se e humbëm duke bërë atë që donte”.
Stockton Rush ishte shefi ekzekutiv i OceanGate, firma që operon udhëtimet e Titanikut me nëndetësen e humbur.
Kompania tha se ishte një kohë tragjike, duke shtuar: “Këta njerëz ishin eksplorues të vërtetë që ndanin një frymë të veçantë aventure dhe një pasion të thellë për të eksploruar dhe mbrojtur oqeanet e botës”.
