Pedofili famëkeq Jeffrey Epstein organizoi që një bankier i lartë i JPMorgan të takonte dy nga zyrtarët e rangut më të lartë në qeverinë e Mbretërisë së Bashkuar menjëherë pasi përfundoi dënimin e tij me burg, raportoi të mërkurën Financial Times, duke cituar një raport të hartuar nga banka në vitin 2019 pas arrestimit të Epstein me akuza për trafikim seksual.
“Kam vendosur ty dhe Piterin që të takohen në Davos me të Darling,” thuhet se i shkroi Epstein Jes Staley, në atë kohë kreu i divizionit të Menaxhimit të Aseteve të JPMorgan, në janar 2010, duke iu referuar kancelarit të atëhershëm Alistair Darling, ish-Sekretarit të Biznesit Peter Mandelson dhe vendndodhjen e takimit vjetor të Forumit Ekonomik Botëror në Zvicër.
Epstein ishte liruar para kohe nga burgu në korrik 2009 dhe iu kërkua të regjistrohej si shkelës seksual.
Staley u përgjigj disa ditë më vonë duke konfirmuar se ai e pa ‘Peter-in mbrëmë’ dhe do takohej me ‘Darling në 20 minuta’, së bashku me një takim të dytë me Mandelson.
Kur u mor në pyetje nga FT, Darling mohoi çdo kujtim të takimit me Staley ose ndonjë marrëdhënie me Epstein.
Një individ i afërt me Mandelson pranoi se ai u takua me Staley në Davos për të diskutuar krizën financiare, por këmbënguli se Epstein ‘me siguri’ nuk e kishte rregulluar atë.
