Kryerepublikani në Kongresin amerikan kërcënon një hetim për fajësimin e Prokurorit të Përgjithshëm Merrick Garland lidhur me hetimin penal të Departamentit të Drejtësisë për djalin e Presidentit Joe Biden, Hunter.
Kryetari i Kongresit Kevin McCarthy shkroi të dielën në Twitter se Prokurori i SHBA-së David Weiss, i emëruar nga ish-presidenti republikan Donald Trump dhe që mbikëqyr hetimin, duhet t’u përgjigjet pyetjeve në lidhje me akuzat e sinjalizuesve se Departamenti i Drejtësisë ndërhyri në këtë rast për të mbrojtur djalin e Biden.
“Nëse pretendimet e sinjalizuesve janë të vërteta, kjo do jetë një pjesë e rëndësishme e një hetimi më të madh për fajësimin e Merrick Garland për përdorimin e Departamentit të Drejtësisë”, tha McCarthy.
Hunter Biden ka pranuar të deklarohet fajtor për dy akuza për kundërvajtje për mospagimin e qëllimshëm të taksave mbi të ardhurat dhe të hyjë si pjesë e një marrëveshjeje që mund të shmangë dënimin për një akuzë të lidhur me një armë zjarrri, sipas dokumenteve gjyqësore të paraqitura javën e kaluar.
Garland ka mohuar dëshminë e sinjalizuesit të Shërbimit të të Ardhurave të Brendshme duke pretenduar se Weiss ishte penguar nga Departamenti i Drejtësisë që të ndiqte një hetim më agresiv ndaj djalit të presidentit.
