Grupet evropiane të konsumatorëve u kanë kërkuar blerësve të ndalojnë blerjen e mallrave të prodhuesve të mëdhenj të makaronave si Barilla, De Cecco dhe La Molisana në Itali dhe Panzani në Francë, në përgjigje të asaj që ata pretendojnë se është rritje e pajustifikuar e çmimeve, sipas një raporti të Financial Times.
Prodhuesit e makaronave të BE-së po përballen me presion në rritje për të ulur çmimet pasi sindikatat italiane të konsumatorëve kanë kërkuar një hetim për manipulimin e mundshëm të çmimeve, duke thënë se rritjet e kostove kanë qenë ‘të pashpjegueshme’.
Ndërsa prodhuesit në Itali dhe Francë pretendojnë se rritja e çmimeve pasqyron ndikimin e kostove më të larta të prodhimit të shkaktuara nga konflikti në Ukrainë, grupet e konsumatorëve këmbëngulin se ‘realiteti është shumë i ndryshëm’ nga tregimi i kompanive.
Prodhuesit e ushqimit janë akuzuar për përfitime dhe ‘lakmi’ pasi rritja e çmimeve të makaronave ka qenë shumë më e lartë se normat më të gjera të inflacionit në të gjithë Evropën, edhe përkundër një rënieje të mprehtë të çmimit të grurit të përdorur për prodhimin e tij, tha gazeta.
“Rritjet e çmimeve nga viti në vit të matura në baza mujore janë dyfishi i norms së tanishme të inflacionit”, sipas grupit italian të konsumatorëve Codacons.
Një tjetër shoqatë italiane e konsumatorëve, Assoutenti, ka bërë thirrje për një ‘grevë makaronash’ njëjavore duke filluar nga java e ardhshme, duke u kërkuar njerëzve që të shmangin ushqimin dhe ta bëjnë vetë në shtëpi.
Megjithëse inflacioni italian është ulur gjatë muajve të fundit, çmimet e makaronave ishin ende 14% më të larta nga viti në vit muajin e kaluar, sipas statistikave zyrtare.
“Për familjet italiane është një krizë mjaft ekzistenciale,” tha Clive Black, një analist në Shore Capital, pasi ata janë ngrënësit më të mëdhenj të makaronave në botë, duke konsumuar afërsisht 23 kilogramë në vit.
Në Britani, inflacioni i çmimit të makaronave arriti në 27.6% në prill, ndërsa shifrat ishin 21.8% në Gjermani dhe 21.4% në Francë, treguan të dhënat.
Ndërkohë, Luigi Cristiano Laurenza, sekretari i përgjithshëm i organizatës tregtare Unione Italian Food Pasta, pohoi se prodhuesit e makaronave janë goditur me kosto më të larta të energjisë, logjistikës dhe paketimit për shkak të luftës në Ukrainë.
Pavarësisht rënies së çmimeve të drithërave, do duhet kohë që çmimet e konsumit të ulen pasi prodhuesit po përdorin ende stoqet e grurit që blenë me kosto të larta, sipas shefit të La Molisana, Giuseppe Ferro.
Ndërkohë në Francë, qeveria ka kërcënuar me gjoba financiare prodhuesit e makaronave. Ministri i Financave Bruno Le Maire tha në maj se kompanitë do përballen me një taksë tatimore nëse kundërshtojnë të negociojnë çmime më të ulëta.
