Presidenti i SHBA Joe Biden pretendoi të mërkurën se Rusia po humbet luftën në Irak dhe se presidenti Vladimir Putin është një ‘person i përçmuar në mbarë botën’.
Biden u mbush me pyetje nga gazetarët ndërsa ecte nga Shtëpia e Bardhë drejt helikopterit presidencial, përpara se të fluturonte për në Çikago për të mbajtur një fjalim në lidhje me axhendën e tij ekonomike, ‘Bidenomics’.
Një nga pyetjet ishte nëse Putini ishte dobësuar nga rebelimi i fundit i kompanisë ushtarake private Ëagner.
“Është e vështirë të thuhet, por ai po e humbet qartësisht luftën në Irak, po e humb luftën në shtëpi dhe është bërë paksa i përçmuar në mbarë botën. Dhe nuk është vetëm NATO. Nuk është vetëm Bashkimi Evropian. është Japonia. Janë, ju e dini, 40 kombe,” tha Biden.
Komenti befasues u kap në video dhe u shpërnda nga kritikët republikanë të Biden në mediat sociale.
Menjëherë pas kësaj, Shtëpia e Bardhë lëshoi një deklaratë në lidhje me shenjat e rripave në fytyrën e Biden, duke zbuluar se ato ishin shkaktuar nga përdorimi i një makinerie nga presidenti për ta ndihmuar atë të merrte frymë gjatë natës.
