Majtes David Lochridge, në mes nëndetësja OceanGate, djathtas Stockton Rush
Një ish-punonjës i OceanGate, i cili u pushua nga puna pasi shfaqi shqetësimet për sigurinë e mininëndetëses Titan, i dërgoi email një bashkëpunëtori duke thënë se ishte i shqetësuar se shefi i firmës do vriste veten dhe të tjerët në një ‘kërkim për të përmbushur egon e tij’.
David Lochridge, dikur drejtor i operacioneve detare të OceanGate, i cili ka punuar në kompani mes 2015 dhe 2018, u pushua nga puna pasi ngriti shqetësime për sigurinë e Titanit gjatë pjesës më të madhe të procesit të ndërtimit të saj.
Këto paralajmërime supozohet se janë dorëzuar gjatë gjysmës së dytë të vitit 2017, por janë hedhur poshtë vazhdimisht.
Sipas Daily Mail, Lochridge i dërgoi email bashkëpunëtorit të projektit Rob Mçallum – i cili gjithashtu u largua nga OceanGate për shqetësime sigurie – menjëherë pasi u pushua nga puna në 2018, për të thënë se ishte i shqetësuar se shefi Stockton Rush do të përfundonte i vdekur në nëndetëse.
“Nuk dua të më shohin si një person që përhap panik, por jam shumë i shqetësuar se do vrasë veten dhe të tjerët në përpjekje për të rritur egon e tij”, shkroi Lochridge për Rush, pretendon The New Yorker.
Inxhinieri i guximshëm thuhet se vijoi: “Unë do e konsideroja veten goxha të çuditshëm kur bëhet fjalë për të bërë gjëra që janë të rrezikshme, por ajo nëndetëse është një aksident që pritet të ndodhë. Nuk ka asnjë mënyrë që mund të më kishit paguar që të zhytesha me të.”
Rush – një ‘novator’ i vetëshpallur që kërkoi të shtynte kufijtë në zhytjen e pasagjerëve – ishte një nga pesë të vdekurit në atë që rezultoi të ishte udhëtimi i fundit i Titan, pasi dhoma e tij e presionit shpërtheu pranë thellësive 3800 metra ku qëndron Titaniku.
Ditë përpara se të dërgonte emailin, DailyMail.com ka raportuar tashmë se Lochridge inspektoi çdo aspekt të rëndësishëm të nëndetëses dhe shpejt gjeti një numër të madh problemesh.
Një dokument i gjykatës nga një padi e ngritur që nga koha e zgjidhjes së marrëveshjes mes tij dhe kompanisë, Lochridge zbuloi se ngjitësi po dilte në pjesët e nëndetëses dhe se bulonat e montimit të vendosura në mënyrë jo të duhur kërcënonin të shkaktonin një shkëputje.
Për më tepër, zhytësi veteran gjeti gjithashtu probleme me pjesët e tavanit të nëndetëses, duke vënë në dukje se ato kishin vrima të dukshme të zhytjes.
Gjithashtu në lidhje me nëndetësen Lochridge kishte shqetësime nga prania e dyshemeve të ndezshme, së bashku me mbështjellësin e brendshëm, të cilët ai tha se do lëshonin rregullisht gazra shumë toksikë gjatë ndezjes.
