Një rekord i ri i temperaturës së lartë është vendosur në fshatin Oymyakon në Lindjen e Largët të Rusisë, i njohur ndërkombëtarisht si vendbanimi më i ftohtë në botë i banuar.
Temperaturat në fshat, i cili ndodhet në rajonin e largët Yakutia, arritën 32 gradë Celsius (89.6F) të hënën, sipas mediave lokale, duke tejkaluar rekordin e mëparshëm prej 30.5 gradë Celsius të vendosur në të njëjtën ditë në vitin 1949.
Kreu i Yakutia, Aisen Nikolaev, shpalli gjendjen e jashtëzakonshme në rajon të hënën pasi zjarret masive u përhapën gjatë fundjavës. Në kanalin e tij Telegram, Nikolaev vuri në dukje se distrikti Oymyakon ishte ndër më të prekurit.
Oymyakon është ndër vendet më të ftohta në hemisferën veriore, pasi ka regjistruar një temperaturë të ulët prej -67,7 gradë Celsius (-89,9 F) në vitin 1933. Megjithatë, një rekord i paverifikuar u vendos shtatë vjet më parë, kur u raportua një temperaturë e ulët prej -71,2 gradë Celsius .
Pavarësisht kushteve ekstreme të motit, Oymyakon ka një popullsi të përhershme prej rreth 500 njerëzish.
