Suedia po shqyrton një ndalim për përdhosjen e librit të shenjtë mysliman pas një vargu të djegieve të fundit të Kuranit në vend, tha ministri i saj i Drejtësisë në fillim të kësaj jave.
Sipas të përditshmes lokale Aftonbladet, Gunnar Strommer tha të enjten se autoritetet po shqyrtojnë nëse një ndryshim në urdhëresat përkatëse do ishte i nevojshëm për të ndalur akte të tilla.
Muajin e kaluar, një person i identifikuar si Salwan Momika dogji një kopje të Kuranit nën mbrojtjen e policisë përpara xhamisë së Stokholmit në Suedi.
Akti i tij provokues ishte caktuar të përkonte me Kurban Bajramin, një nga festat kryesore fetare islame të festuar nga myslimanët në mbarë botën.
Ai shkaktoi dënime të përhapura nga e gjithë bota islame, duke përfshirë Turqinë, Jordaninë, Palestinën, Arabinë Saudite, Marokun, Irakun, Iranin, Pakistanin, Senegalin, Marokun dhe Mauritaninë.
Në janar, një politikan i ekstremit të djathtë i vuri zjarrin gjithashtu një kopjeje të Kuranit jashtë ambasadës turke në Suedi.
Strommer tha se veprime të tilla përbëjnë një kërcënim për sigurinë kombëtare të Suedisë për shkak të dëmit që ato shkaktojnë në marrëdhëniet e saj me botën islame dhe rolin e tyre në provokimin e sulmeve terroriste kundër vendit.
“Në këtë sfond, është e arsyeshme të rishikohet situata ligjore”, tha ai.
