Qyteti më i madh i Afrikës së Jugut, Johannesburg, dëshmoi të hënën reshjet e para të borës në më shumë se një dekadë, duke sjellë një përvojë të rrallë dimri për banorët.
Puseletso Mofokeng, një parashikues në Shërbimin e Motit të Afrikës së Jugut (SAWS), i tha agjencisë së lajmeve AFP se qyteti pa borë për herë të fundit në vitin 2012 ndërsa më parë në vitin 1996.
Më parë, SAWS lëshoi paralajmërime për borë mbi pjesë të Kepit Lindor dhe KwaZulu-Natal.
“Një kërcënim për jetën dhe hipoterminë është i mundur nëse nuk tregohet kujdes,” paralajmëroi shërbimi i motit të hënën, duke u kërkuar banorëve të qëndrojnë ngrohtë, megjithëse temperatura që atëherë është ngjitur në 13 gradë Celsius.
Përveç rajonit Gauteng, i cili përfshin Johannesburg e Soweto, borë është vërejtur në provinca të tjera, duke përfshirë Kepin Lindor dhe Mpumalanga.
Pamja e rrallë e dëborës ka kënaqur shumë vendas, me disa që kanë përdorur në rrjetet sociale për të shprehur gëzimin e tyre. Banorët në Johanesburg e përshkruan atë si ‘magji’ e një ‘fillim të mrekullueshëm të javës’.
