Kreu i grupit parlamentar të PD, Gazment Bardhi i ka dërguar në shkresë Kuvendit për të ndryshuar rendin e ditës.
Bardhi i ka kërkuar kryeparlamentares Lindita Nikolla që të fusë në rendin e ditës kërkesën e Prokurorisë së Posaçme për arrestimin e Arben Ahmetajt.
Gazment Bardhi shprehet se: “Sa kohë kërkesa përmban edhe nevojën për të autorizuar kontrollin e banesës së deputetit, si dhe nisur nga informacionet që z. Ahmetaj është larguar në datën 07.07.2023 nga territori i Shqipërisë, për të shmangur çdo vonesë që do t’i jepte kohë z. Ahmetaj, të humbë kontaktet për gjetjen e tij apo të kryente veprime që mund të pengonin drejtësinë, përmes zhdukjes apo fshehjes së provave kërkojmë Ndryshimin e Rendit të Ditës së seancës plenare të datës 13.07.2023.”
Ai shkruan se kërkesa e SPAK duhet të vendoset si pikë e parë e Rendit të Ditës dhe iu drejtua kryeparlamentares “duke shpresuar se nuk do të bëheni pengesë për organet e drejtësisë dhe do të përmbushni detyrimin tuaj sipas Kushtetutës dhe Rregullores.”
Dokumenti i plotë:
Znj. Kryetare e Kuvendit,
Në vijim të kërkesës nr. 9431 Prot., datë 07.07.2023, ku në kuadër të procedimit penal nr. 277/1 të vitit 2022Prokuroria e Posaçme Kundër Korrupsionit dhe Krimit te Organizuarka paraqitur kërkesën për dhënien e autorizimit nga Kuvendi i Republikës së Shqipërisë, për arrestimin/heqjen e lirisë dhe ushtrimin e kontrollit personal dhe të banesës së deputetit Arben Ahmetaj, Këshilli i Rregullores, Mandateve dhe Imunitetit zhvilloi dy mbledhje të njëpasnjëshme në datat 11- 12.07.2023. Në përfundim të shqyrtimit, 5 anëtarë të Këshillit, hartuan dhe paraqitën një raport për në seancë plenare, në të cilin rekomandojnë miratimin e dhënies së autorizimit për caktimin e masës së sigurimit të arrestit në burg ose në shtëpi, ose heqjes së lirisë në çfarëdo lloj forme, apo kontrollit personal ose të banesës.
Në këto kushte, sa kohë kërkesa përmban edhe nevojën për të autorizuar kontrollin e banesës së deputetit, si dhe nisur nga informacionet që z.Ahmetaj është larguar në datën 07.07.2023 nga territori i Shqipërisë, për të shmangur çdo vonesë që do t’i jepte kohë zAhmetaj, të humble kontaktet për gjetjen e tij apo të kryente veprime që mund të pengonin drejtësinë, përmes zhdukjes apo fshehjes së provave, në mbështetje të neneve 13, 31 dhe 118 te Rregullores së Kuvendit të Shqipërisë, ku specifikohet se “Shqyrtimi i kërkesës për caktimin e masës se sigurimit të arrestit ne burg ose ne shtepi, heqjes së lirise ne cfaredo lloj forme, apo të kontrollit personal ose të banesës të një deputeti vendoset si pikë e pare e rendit te dites te seancës pasardhese, pas paraqitjes sé raportit”, kërkojmë:
1. Ndryshimin e Rendit të Ditës së seancës plenare të datës 13.07.2023.
2. Përfshirjen si pikë e parë e Rendit të Ditës së seancës plenare të datës 13.07.2023 18 “Shqyrtimi i kërkesës nr. 9431 Prot., datë 07.07.2023 të Prokurorisë së Posacme Kundër Korrupsionit dhe Krimit te Organizuar, duke miratuar dhënien e autorizimit për caktimin e masës së sigurimit të arrestit në burg, ose heqjes së lirisë në çfarëdo lloj forme, apo kontrollit personal ose të banesës, të deputetit z.Arben Ahmetaj.
Duke shpresuar se nuk do të bëheni pengesé për organet e drejtësisë dhe do të përmbushni detyrimin tuaj sipas Kushtetutës dhe Rregullores,
KRYETARI I GRUPIT
GAZMENT BARDHI
