Turqia dëshiron të forcojë më tej lidhjet e saj me Arabinë Saudite, Katarin dhe Emiratet e Bashkuara Arabe, tha presidenti Recep Tayyip Erdogan përpara një vizite të ardhshme në vendet e Gjirit.
“Ne kemi shpresë në këtë vizitë. I dërgova miqtë e mi para kohe. Ata vizituan Arabinë Saudite, Katarin, Emiratet e Bashkuara Arabe. Ne do t’i vizitojmë këto vende me një delegacion. Ne do dëshironim të forconim më tej të gjitha llojet e marrëdhënieve mes nesh duke udhëtuar në Arabinë Saudite, Katar dhe Emiratet e Bashkuara Arabe,” u tha Erdogan gazetarëve të mërkurën ndërsa kthehej nga një samit dy-ditor i NATO-s në Lituani.
Erdogan pritet të vizitojë Arabinë Saudite, Katarin dhe Emiratet e Bashkuara Arabe më 17-19 korrik.
Përpara Erdoganit, zv.presidenti Cevdet Yilmaz dhe ministri i Thesarit dhe Financave Mehmet Shimsek bënë një vizitë në Katar për të diskutuar bashkëpunimin ekonomik.
“Gjatë vizitave paraprake, miqtë tanë dhanë informacione të caktuara. Gjatë vizitës sonë do kemi mundësinë të shohim dhe të përjetojmë personalisht mbështetjen që do t’i japin Turqisë. Në takimet tona të mëparshme, ata thanë: “Ne jemi të gatshëm të bëjmë investime të rëndësishme në Turqi.” Ne do ta përmbyllim këtë përmes kësaj vizite”, tha Erdogan, duke shtuar se këto investime mund të jenë në Turqi, Arabinë Saudite, Katar ose Emiratet e Bashkuara Arabe.
