Guvernatori i Floridës, Ron DeSantis doli në mbrojtje të ish-presidentit Donald Trump të martën, duke i cilësuar si të motivuara politikisht përpjekjet për të mbajtur ligjërisht përgjegjës rivalin e tij për nominimin presidencial republikan 2024 për trazirat në Kapitolin e SHBA-së në janar 2020.
“Shpresoj se ai nuk do akuzohet,” i tha DeSantis CNN në një nga intervistat e tij të para me një media kryesore kombëtare të lajmeve që kur u bë kandidat në fund të majit.
“Unë nuk mendoj se do jetë mirë për vendin.”
DeSantis, i cili kryesisht është shfaqur në media miqësore me konservatorët u shfaq në CNN në të njëjtën ditë që Trump tha se i kishin thënë se ishte objektiv në një hetim të jurisë së madhe mbi të ashtuquajturat përpjekje për të qëndruar në pushtet pas humbjes së zgjedhjeve të vitit 2020 ndaj demokratit Joe Biden.
Ndërsa DeSantis ka dëshmuar të jetë një grumbullues i fortë fondesh, fushata e tij kohët e fundit pushoi nga puna disa punonjës në një përpjekje për të ngadalësuar shkallën e shpenzimeve.
Në intervistë, DeSantis tha se fushata e tij po ‘përparon’ dhe mbetet e përqendruar në ndërtimin e një organizate të fortë në terren në shtetet e hershme të emërimit të vitit të ardhshëm, duke përfshirë Iowa-n dhe Karolinën e Jugut.
“Ky është një proces shtet pas shteti,” tha ai.
DeSantis, 44 vjeç, u bë fytyra kombëtare e rezistencës kundër urdhrave të mbajtjes së maskave dhe vaksinave Covid-19. Ai ka marrë drejtimin në çështjet kulturore të nxehta si mësimi i marrëdhënieve racore dhe identitetit gjinor në shkollat publike.
