Deputeti socialist, Erion Braçe ka folur për akuzat ndaj Krifcës edhe për korrupsionin në vend.
Braçe thotë se edhe pse nuk bie fort dakord me Krifcën, s’ka dhënë asnjë copë m2 me qira.
Braçe pohoi se ka ende korrupsion, por ai nuk la pa akuzuar edhe qeverisjet e mëparshme, ku shtoi se përpara 10 vitesh vidhej lehtë, ku u shit çdo gjë publike.
“Kam një lutje, do të ishte mirë që t’i linim fermerët atje ku janë. Ne këtu kemi kondicioner ata janë në fusha.
Unë dhe ministrja e Bujqësisë nuk biem dakord për shumë gjëra mbase edhe për gjithçka por, ministrja e Bujqësisë s’ka dhënë asnjë metër katror me qira dhe ky është fakt. Sot kemi përpara për kontrollin e lartë të shtetit.
Nuk jemi thirrur këtu për të folur për korrupsionin e vitit që shkoi,. Unë mendoj se puna e kontrollit të lartë të shtetit ka qenë serioze. E thënë këtë, meriton vlerësimin e Kuvendit. Por, as i shmangem, as i iki as relativizoj të folurën për korrupsionin edhe pse është moment i vështirë, e në fakt kështu duhet të jetë.
Po ka korrupsion në këtë vend, është i përhapur. Ka në sektor publik e privat, e se është kështu ka një përdorim politik që ka gjithnjë e më shumë e më i madh. A është korrupsioni sot më i madh se 10 vjet më i madh? Këtu ndahemi.
10 vjet më parë vidhej lehtë, edhe me një certifikatë. Po vidhej edhe me risk e me rrezik të lartë. Deri 10 vite më parë është shitur cdo gjë publike, si sektori i tërë. Nafta u dorëzua klientelisht në çdo vendburim deri në përpunim.”- thotë Braçe.
