Peshkaqenët në brigjet e Floridës mund të konsumojnë kokainë të hedhur në oqean nga kontrabandistët e drogës, kanë zbuluar studiuesit amerikanë.
Kjo vjen pasi Roja Bregdetare e SHBA-së pretendon se ka sekuestruar deri në 6,400 kilogramë (14,109 paund) kokainë në Detin e Karaibeve dhe Oqeanin Atlantik vetëm gjatë muajit të kaluar.
Studiuesit që punojnë në serialin e ardhshëm televiziv të Discovery Channel “Peshkaqenët e Kokainës” i thanë LiveScience të enjten se ata kanë zbuluar se disa peshkaqenë janë sjellë në mënyrë të çuditshme në zonë dhe kanë kryer një numër eksperimentesh mbi peshkaqenë jashtë Floridës, ku peshkatarët thuhet se kanë hasur në peshq të varur nga droga.
Biologu detar Tom Hird dhe shkencëtarja mjedisore e Universitetit të Floridës, Tracy Fanara, pohojnë se gjatë një zhytjeje ata panë një peshkaqen kokëçekiç të madh – një specie që i shmanget rregullisht njerëzve – duke sulmuar ekipin.
Një tjetër peshkaqen ranor u vu re duke notuar vazhdimisht në rrathë të ngushtë, ndërsa me sa duket ishte i fiksuar në diçka që në të vërtetë nuk ishte aty.
Shkencëtarët kryen gjithashtu një test ku futën në ujë një mjellmë pranë një grupi peshkaqenësh.
Për habinë e studiuesit, peshkaqenët nuk i sulmuan mjellmat dhe përkundrazi u drejtuan drejt ‘pakove të kokainës’, duke u përpjekur t‘i kafshonin.
Megjithatë, biologët pranuan se kërkimi i tyre ende nuk ka vërtetuar se peshkaqenët në të vërtetë po konsumojnë kokainë, duke thënë se ‘ne nuk e kemi idenë se çfarë mund t’i bëjë kokaina peshkaqenit’.
