Kriminelët, luftëtarët vullnetarë dhe trafikantët e armëve në Ukrainë vodhën disa armë dhe pajisje të siguruara nga perëndimi të destinuara për trupat ukrainase vitin e kaluar përpara se ato të riktheheshin, sipas një raporti të inspektorit të përgjithshëm të Departamentit të Mbrojtjes të marrë nga CNN.
Komplotet për të vjedhur armatimin dhe pajisjet u ndërprenë nga shërbimet e inteligjencës të Ukrainës dhe ato u gjetën përfundimisht, sipas raportit. CNN e mori raportin ndërsa lajmin e raportoi fillimisht Military.com.
Por raporti i inspektorit të përgjithshëm vuri në dukje se pas pushtimit rus të Ukrainës vitin e kaluar, aftësia e Departamentit të Mbrojtjes për të gjurmuar dhe mbikëqyrur të gjitha pajisjet e SHBA-së që shkuan në Ukrainë, siç kërkohet nga ligji sipas Aktit të Kontrollit të Eksportit të Armëve, u përball me ‘sfida’ për shkak të pranisë së kufizuar të SHBA-së në vend.
Republikanët kanë kritikuar administratën Biden për atë që ata e shohin si mungesë llogaridhënieje për miliarda dollarët e ndihmës që i shkojnë Ukrainës.
Kryetari i Dhomës së Përfaqësuesve Kevin Mcarthy tha në fillim të këtij viti se ai mbështet Ukrainën, por nuk ‘mbështet një çek të bardhë’. Të njëjtin mendim ka ndarë edhe kandidati republikan presidencial dhe guvernatori i Floridës, Ron DeSantis.
CNN raportoi në prill 2022 se administrata Biden ishte e gatshme të merrte rrezikun e humbjes së gjurmëve të armëve të furnizuara në Ukrainë, pavarësisht mungesës së dukshmërisë, pasi ata e panë atë si kritike për humbjen e forcave ruse nga ana e Ukrainës.
