Zjarret kanë shkatërruar pjesë të Evropës Jugore dhe Afrikës Veriore në mes të temperaturave të larta gati rekord. Mbi 40 persona kanë vdekur javën e fundit, pavarësisht se autoritetet në zonat e prekura deklaruan të mërkurën se më e keqja kishte mbaruar.
Zjarret morën 34 jetë në Algjeri, raportoi transmetuesi shtetëror EPTV të hënën, me 10 nga viktimat që thuhet se ishin ushtarë që përpiqeshin të evakuonin provincën bregdetare të Bejaia.
Zjarret u deklaruan të frenuar nga shërbimet e mbrojtjes civile të vendit në një deklaratë të mërkurën pasi mbi 8,000 zjarrfikës u vendosën për t’i kontrolluar ato.
Të paktën katër persona kanë humbur jetën në Itali pasi 10 zjarre të veçanta shpërthyen në jug të vendit, sipas agjencisë së lajmeve ANSA.
Viktimat përfshinin një burrë 98-vjeçar në shtëpinë e tij në Reggio Calabria, dy persona rreth të 70-tave në shtëpinë e tyre në Palermo dhe një grua 88-vjeçare.
Disa pjesë të vendit kanë parë temperatura rekorde që arrijnë në 47.4 Celsius, afër rekordit të vitit 2021 në mbarë kontinentin prej 48.8 Celsius.
Pamjet nga Siçilia të postuara në mediat sociale treguan rrugë tëë tëra e kodra në flakë.
Më shumë se 20,000 njerëz janë evakuuar nga shtëpitë dhe vendet e pushimit në ishullin grek të Rodosit, i cili ka shpallur gjendjen e jashtëzakonshme, ndërsa mijëra janë detyruar gjithashtu të largohen nga ishujt Evia dhe Korfuzi ndërsa ishulli i Kretës është në gatishmëri të lartë.
Ministria e Mbrojtjes Civile e Greqisë paralajmëroi të mërkurën për ‘rrezik ekstrem’ nga zjarri në gjashtë nga 13 rajonet e vendit.
Linjat ajrore të pushimeve në Mbretërinë e Bashkuar Jet2 dhe Tui kanë anuluar të gjitha nisjet për në Rodos, ndërsa një zyrtar i aeroportit i tha AFP se mbi 5,000 njerëz ishin larguar nga ishulli me fluturime urgjente midis të dielës dhe të martës.
Në Tunizi, zjarret detyruan evakuimin e 300 njerëzve nga fshati bregdetar Melloula. Turqia pa zjarre në provincën jugore të Antalias. Kroacia raportoi gjithashtu zjarre në jug të Dubrovnikut të hënën, megjithëse shërbimi i saj zjarrfikës konfirmoi të mërkurën se ato ishin nën kontroll.
Disa zyrtarë kanë shfrytëzuar tragjedinë për të mbrojtur politikën e ndryshimeve klimatike.
Grupi World Weather Attribution lëshoi një raport të hënën duke pretenduar se nëse njerëzit nuk do ta kishin ngrohur planetin duke djegur lëndë djegëse fosile, valët e të nxehtit si ajo që aktualisht përfshin Evropën do të ishin të pamundura.
Evropa përjetoi kushte të ngjashme vitin e kaluar, me 61,000 njerëz që vdiqën nga kushtet e lidhura me nxehtësinë në vitin 2022.
