Njerëzit shikojnë pasojat e shtëpive të shkatërruara pasi një shpërthim shpërtheu në një magazinë fishekzjarre në provincën jugore tajlandeze të Narathiwat më 29 korrik 2023.
Të paktën 12 persona humbën jetën dhe 121 të tjerë u plagosën në një shpërthim në një magazinë fishekzjarre në jug të Tajlandës.
Incidenti – në fshatin Mu No – bëri që magazina dhe zona përreth tyre të kthehen në gërmadha.
Të paktën dy nga viktimat ishin fëmijë, duke përfshirë një djalë katër vjeçar dhe një vajzë tetë muajshe, sipas Radio Tajlandës, përcjell CNN.
Mbi njëqind shtëpi u dëmtuan gjithashtu.
Shkaku i shpërthimit është nën hetim, por raportet fillestare sugjeruan se kishte pasur një gabim saldimi.
Policia planifikon të akuzojë pronarin e magazinës me një vepër penale për “shkaktim të shpërthimit dhe që rezultoi në vdekje, lëndime dhe dëmtime të pronës së njerëzve”, tha Komandanti i Policisë provinciale Narathiwat, Anuruth Imarb në një konferencë për shtyp të dielën.
Aksidentet me fishekzjarrë nuk janë të rralla në Tajlandë. Disa njerëz raportohet se u plagosën në një tjetër shpërthim në qytetin verior të Chiang Mai në fillim të kësaj jave.
