Kryetari i Partisë së Lirisë, Ilir Meta në një konferencë për mediat e vlerësoi të vonuar vendimin për sekuestrimin e kompanisë koncesionare të inceneratorit të Tiranës.
Sipas Metës shumica qeverisëse ka blerë dy palë zgjedhje me këtë aferë dhe paratë i përdori për të deformuar vullnetin e shqiptarëve.
“Faktet janë paraqitura nga ana jonë. Kjo është kryevepra kriminale që ka ndodhur në vendin tonë dhe që është toleruar në një kohë të gjatë. Këtë lajm të fundit e vlerësojmë të vonuar. Dua të nënvizoj se të tre çështjet, Tirane, Elbasan dhe Fier janë një çështje dhe kemi të bëjmë me një aferë të ideuar dhe implementuar nga një grup i strukturuar kriminal.
‘Rilindja’, si organizatë ka blerë 2 palë zgjedhje dhe paratë i përdori për të deformuar vullnetin e shqiptarëve dhe për të shkatërruar profesionalizmin e mediave në Shqipëri”, u shpreh Meta.
