Grupi i parë i pilotëve ukrainas nuk pritet të përfundojë stërvitjen për avionët luftarakë F-16 të prodhuar nga SHBA-ja para verës së ardhshme, raportoi Washington Post, duke cituar zyrtarë të lartë qeveritarë dhe ushtarakë në Kiev.
Sipas gazetës, vetëm gjashtë pilotë do kalojnë në raundin e parë të stërvitjes, me dy pilotë të tjerë të rezervuar si kandidatë rezervë. Edhe pse të gjithë flasin rrjedhshëm gjuhën angleze, zyrtarët këmbëngulin që pilotët të ndjekin katër muaj mësime të gjuhës angleze në Britani, për të mësuar terminologjinë specifike të lidhur me avionët e sofistikuar.
Vetëm pasi të kenë përfunduar këto kurse gjuhësore, pilotët do mund të fillojnë stërvitjen luftarake. Zyrtarët ukrainas i thanë Washington Post se kjo ka të ngjarë të ndodhë jo më shpejt se janari dhe se vetë programi i stërvitjes F-16 do zgjasë gjashtë muaj.
Zyrtarët amerikanë i kanë thënë gjithashtu Washington Post se 20 pilotë të tjerë ukrainas janë gati për të filluar kurset e anglishtes, ku shumica e pilotëve më të mirë të vendit pritet të qëndrojnë në Ukrainë gjatë kursit gjuhësor ndërsa vazhdojnë të fluturojnë me avionë të epokës sovjetike.
