Një peshëngritëse transgjinore ka vendosur një rekord kombëtar për gratë kanadeze, duke thyer gjithashtu një rekord botëror jozyrtar, sipas Fox News. Arritja tërhoqi kritika ndaj udhëzimeve sportive të Otavës.
Anne Andres, 40 vjeç, zuri vendin e parë në Kampionatin Kanadez Perëndimor 2023 të Unionit Canadian Powerlifting të dielën, me një rezultat të kombinuar prej 597.5 kilogramësh, ose rreth 210 kg më shumë se kundërshtarja e saj më e afërt.
“Kini parasysh që mbusha 40 vjeç një javë më parë, kështu që papritmas të qenit numri 1 është e mrekullueshme,” tha Andres në një postim në mediat sociale pas fitores.
Peshëngritësja SuJan Gil, e cila zuri vendin e dytë, arriti në total vetëm 387.5 kg.
Fitorja e Andres ka ngjallur polemika midis disa aktivisteve, me Konsorciumin Ndërkombëtar për Sportin Femëror (ICFS) që deklaruan se rekordi u fitua nga një ‘mashkull’ dhe për këtë arsye nuk është ‘legjitim’, duke akuzuar gjithashtu zyrtarët sportivë për ‘diskriminim ndaj konkurrenteve femra’.
