Të paktën 12 persona humbën jetën dhe 65 të tjerë u plagosën në një shpërthim në Republikën Domenikane, tha në një deklaratë Kryqi i Kuq Dominikan.
Rreth 55 persona janë gjithashtu të zhdukur pas incidentit të së hënës, i cili ndodhi në Villa Valdez, provincën San Cristobal, sipas deklaratës së së martës.
Tre struktura u shembën plotësisht pas shpërthimit pranë një qendre tregtare, shtoi Kryqi i Kuq, sipas CNN.
Në komentet nga Pallati Kombëtar të hënën, Presidenti Luis Abinader shprehu shqetësimin e tij për situatën dhe tha se ai po ndjek nga afër ngjarjet, njoftoi transmetuesi shtetëror RTVD Central 4 Noticias.
Abinader urdhëroi mobilizimin e shërbimeve të urgjencës, duke përfshirë 20 ambulanca dhe 14 zjarrfikëse, për t’iu përgjigjur incidentit, thanë shërbimet e urgjencës.
