Të shtëna me armë zjarri janë raportuar në lagjen numër 1 në Sarandë. Mësohet se policia ka mbërritur në vendin e ngjarjes dhe për pasojë ka rrethuar, një automjet tip BMW.
Sipas informacioneve paraprake nga mediat, dyshohet se një person ka mbetur i plagosur, por ka arritur të largohet nga vendi i ngjarjes.
Gjithashtu mësohet edhe prindërit janë paraqitur në spitalin e Sarandës dhe kërkojnë informacione lidhur me djalin e tyre, që dyshohet se është plagosur.
Aktualisht sipas burimeve nga spitali raportohet se nuk është paraqitur asnjë i plagosur. Sakaq ende nuk dihen shkaqet që kanë çuar në përdorimin armëve.
