Shefi i Organizimit të Berishës, Klevis Balliu akuzon qeverinë për tjetërsimin e pronave të ushtrisë.
Nëpërmjet një postimi, Balliu deklaron se pronat e ushtrisë janë tjetërsuar për interesa monetare te pushtetarëve, duke akuzuar drejtpërsëdrejti kryeministrin Rama dhe kabinetin e tij.
POSTIMI I PLOTË
Korrupsioni i Ramës dhe Xhaçkave të tij nuk njeh limite.
Vjedhjet dhe abuzimet e Ramës dhe ministreshave të tij kanë kapur dhe ushtrinë. Pronat e ushtrisë janë tjetërsuar për interesa monetare te pushtetarëve, tendera sekret për të vjedhur në fshehtësi kanë shkërmoqur buxhetin e ushtrisë
Këto vjedhje kanë çuar në degradimin final ku ushtria mbjell drogë
Babëzia e kësaj qeverie nuk njeh limit, ajo vjedh në shëndetësi, ushtri, bashki, energji e infrastrukture, ajo vjedh kudo dhe këdo.
Shteti ka rënë, të bashkohemi për ta shpëtuar vendin nga këta bajlozë të korrupsionit.
