Janë zbardhur emrat e 6 personave të arrestuar gjatë operacionit antidrogë të koduar ‘Flakë në det’, në të cilin morën pjesë Guardia di Financa, policia shqiptare, Frontex e SPAK.
Të ndaluarit janë:
Arlind Ismailukaj, 47 vjeç, banues në Tiranë;
Armando Mema, 37 vjeç, banues në Tiranë;
Nerim Çela, 40 vjeç, banues në Fushë Kuqe, Laç;
Besnik Brokeri, 51 vjeç, banues në Vlorë;
Kyrylo Ponomarenko, 39 vjeç, banues në Ukrainë;
Kostiantyn Biellon, 44 vjeç, banues në Ukrainë.
Në një konferencë për shtyp pak më herët zv.drejtori i Policisë së Shtetit dha hollësi lidhur me operacionin duke thënë se u sekuestruan 2 armë zjarri, 25 kg kanabis, 45 mijë euro e vlera të tjera monetare më të vogla.
Mes të arrestuarve është edhe një ish-zyrtar policie, Arlind Ismailukaj si dhe dy shtetas ukrainas. Ismailukajt i janë gjetur rreth 10 milionë lekë, sipas gazetares Klodiana Lala.
