26-vjeçari Eldi Allushi është shoqëruar nga policia lidhur me aksidentin mëngjesin e sotëm te diga e Liqenit Artificial.
Në një video të shfaqur duket mjeti luksoz BMW X6 teksa ecën me shpejtësi skëterrë në Rrugën e Kosovarëve duke u ngjitur maloren e digës e duke u ndalur vetëm pas përplasjes me murin mbrojtës.
Pas aksidentit ai u largua nga vendi i ngjarjes duke marrë me vete dokumentet e target e makinës por u identifikua pak orë më pas nga policia e u shpall në kërkim.
Policia dyshon që i riu ka qenë nën efektin e alkoolit ose lëndëve narkotike, gjë që do përcaktohet pas hetimit.
