Fotoja e ish-presidentit amerikan Donald Trump pas dorëzimit në burgun e Xhorxhias është bërë virale. Djali i Trump e ka kthyer atë në një linjë mallrash duke prodhuar bluza e sende të tjera për t’u shitur.
Menjëherë pasi Zyra e Sherifit të ‘Qarkut Fulton’ publikoi fotografinë të enjten, duke shënuar herën e parë që një foto e tillë i është bërë e një ish-presidenti amerikan ose një presidenti në detyrë, Donald Trump Jr. postoi një mesazh në X (ish-Twitter) duke njoftuar bluza të reja, gota kriklle birre dhe postera që shfaqin fotografinë e ish-presidentit të SHBA-së së bashku me tekstin e trashë kuq e bardhë ku shkruhej ‘Lironi Trump’.
Një bluzë kushton 29,99 dollarë, një filxhan shitet për 15,99 dollarë dhe një poster i një fotografie kushton 19,99 dollarë. Djali i ish-presidentit vuri në dukje, megjithatë, se të gjitha të ardhurat nga shitja e mallrave do shkonin në Fondin e Mbrojtjes Ligjore ‘për të luftuar tiraninë dhe çmendurinë që po shohim para nesh’.
“Ndryshe nga shumë, unë nuk do përpiqem të përfitoj nga kjo, por do të bëj ç’është e mundur për të ndihmuar tim atë”, shkroi Trump Jr.
Ndërkohë, shumë mbështetës të Trumpit në Etsy dhe tregje të tjera në internet janë hedhur gjithashtu në lëvizje dhe kanë filluar të shesin të gjitha llojet e mallrave që paraqesin fotot e tij – madje edhe tanga.
Trump u dorëzua në burgun e kontesë Fulton në Atlanta, Xhorxhia të enjten pasi u akuzua për disa krime të lidhura me përpjekjen e tij të supozuar për të përmbysur rezultatet e zgjedhjeve presidenciale të vitit 2020 në Gjeorgji.
Ish-presidenti u dorëzua, arrestua dhe më pas u lirua shpejt falë një marrëveshjeje me kusht të siguruar më herët nga avokatët e tij që pa që Trump të pranonte të paguante një garanci prej 200,000 dollarësh, si dhe t’i nënshtrohej disa kushteve të tjera, duke përfshirë mospërdorimin e mediave sociale për të synuar ndonjë prej 18 të bashkëpandehurve të tjerë ose ndonjë dëshmitar në këtë rast.
