Ish-kryeministri Berisha ka ironizuar kreun e qeverisë Rama pas një zjarri që ra pasditen e sotme në fushën e depozitimit të mbetjeve pranë inceneratorit të Elbasanit.
Ai shkruan se Rama ka vënë në punë inceneratorin e ky është suksesi pasi u vodhën 28 milionë euro.
“Edi Rama vë në përdorim inceneratorin e Elbasanit! Bravo! Suksesi pasi vodhën 28 milionë euro! sb” – shkruan Berisha.
Një zjarr ra në pikën e grumbullimit të mbetjeve pranë inceneratorit të Elbasanit. Zjarrfikësit që shkuan me shpejtësi në vendin e ngjarjes bënë të mundur shuarjen e flakëve.
