Një helikopter i shërbimeve të sigurisë FSB u rrëzua të martën në Rusinë qendrore, duke lënë të vdekur tre persona, thanë zyrtarët rajonalë.
Helikopteri MI-8 u rrëzua pranë fshatit Krasnoe Pole në rajonin Chelyabinsk, tha guvernatori pa treguar një shkak për incidentin.
“Sipas informacioneve paraprake, tre persona kanë humbur jetën”, tha Guvernatori Aleksei Teksler në rrjetet sociale, sipas The Guardian.
Nuk pati dëme në ndërtesa apo individë në terren, shtoi ai në deklaratën që lidh avionin me FSB-në.
Aksidentet e aviacionit janë të zakonshme në Rusi për shkak të rregullave të dobëta të sigurisë dhe mirëmbajtjes së dobët dhe janë bërë edhe më të shpeshta pasi Moska dërgoi trupa në Ukrainë vitin e kaluar.
