Rënia e mbeturinave nga një avion luftarak turk dëmtoi disa automjete në një parking në selinë e gjigantit të naftës dhe gazit TPOA në Ankara, sipas raporteve nga Ministria e Mbrojtjes dhe media vendase. Pjesa e mbeturinave shkatërroi tre automjete që ishin parkuar jashtë ndërtesës, sipas pamjeve të shpërndara nga shtypi.
Pjesa që ra duket të jetë një serbator bosh i jashtëm që përdoret për të zgjeruar rrezen e fluturimit të avionit. Dëshmitarët e filmuan atë duke u rrëzuar në ajër teksa binte në tokë.
Avioni në fjalë ishte një McDonnell Douglas F-4 i Forcave Ajrore Turke, tha ministria. Avioni luftarak mund të mbajë një pale depozita të jashtme më të vogla me 1,400 litra karburant dhe një rezervuar më të madh 2,300 litra në pikën e vijës qendrore.
Nga incidenti nuk raportohet për viktima apo të lënduar. Avioni u ul i sigurt në bazën ajrore Eskisehir, njoftoi ushtria.
