Eksportet e gazit natyror të lëngshëm (LNG) nga Rusia kanë qenë në rritje të vazhdueshme që nga fillimi i vitit, me kërkesë në rritje si në Evropë ashtu edhe në Azi, ka njoftuar ministri i Energjisë, Nikolay Shulginov.
Duke folur në Forumin Ekonomik Lindor (EEF) që filloi në Vladivostok të dielën, ministri nënvizoi se kërkesa për gaz natyror nga tubacionet ruse ka qenë gjithmonë më e madhe se për LNG.
Megjithatë, kjo e fundit mund të arrijë më shpejt për shkak se eksportet e LNG janë ‘më efikase dhe fleksibël në krahasim me furnizimet e tubacioneve’, shtoi ai.
“Eksportet e LNG-së po tregojnë tashmë dinamikë pozitive. Ka blerës të LNG-së ruse në gjithë botën. Dhe nuk janë vetëm partnerët tanë të rinj në Azinë Juglindore, por edhe konsumatorët në Evropë”, tha Shulginov.
Sipas agjencisë statistikore të Rusisë Rosstat, prodhimi i LNG-së në vend u rrit 8.1% në 32.5 milionë ton në vitin 2022.
Shulginov vuri në dukje se prodhimi i tanishëm i LNG-së në Rusi nuk është i mjaftueshëm për të përmbushur kërkesën në rritje, duke sugjeruar se vendi ka nevojë për linja të reja të lëngëzimit të gazit si të gjitha kapacitetet ekzistuese janë të ngarkuara.
Sipas një raporti të fundit nga ‘Global Witness’bazuar në të dhënat e Kpler, Kina ishte blerësi më i madh i LNG-së ruse në janar-korrik të këtij viti, e ndjekur nga Spanja dhe Belgjika.
Blerjet e BE-së të LNG-së ruse u rritën me 40% në periudhën raportuese krahasuar me të njëjtën periudhë të vitit 2021 dhe me 1.7% kundrejt vitit të kaluar.
