Asambleja e Shtetit të Kalifornisë miratoi të premten një projektligj që ripërcakton shëndetin, sigurinë dhe mirëqenien e fëmijëve duke përfshirë ‘identitetin gjinor ose shprehjen gjinore’. Kritikët thonë se kjo do t’i mundësojë shtetit të marrë fëmijët që kanë bërë ‘kalimin’ pa miratimin e prindërve të tyre.
Projektligji 957 i Kuvendit u miratua me një votim 57-16 dhe iu dërgua Guvernatorit Gavin Neësom për nënshkrim. Ai ndryshon nenin 3011 të Kodit të Familjes për të ‘përfshirë pohimin e një prindi të identitetit gjinor të fëmijës ose shprehjes gjinore si pjesë e shëndetit, sigurisë dhe mirëqenies së fëmijës’.
Gjykatat familjare përdorin standardin e shëndetit dhe mirëqenies për të marrë vendime se cili prind merr kujdestarinë e fëmijëve në mosmarrëveshjet e divorcit, ose në rastet kur prindërve u merren fëmijët nga shteti për shkak të keqtrajtimit ose pakujdesisë.
“Kjo është detyra jonë si prindër, të afirmojmë fëmijët tanë,” tha Kongresmenia Lori Ëilson, një demokrate.
Senatori i shtetit Scott Ëiener, gjithashtu demokrat, ishte bashkëpropozues i projektligjit.
Republikanët e kanë kritikuar propozimin, duke argumentuar se gjyqtarët e gjykatave familjare kanë tashmë diskrecionin për të bërë këtë përcaktim. Me vetëm 18 vende në dhomën prej 80 anëtarësh ata nuk mund të bënin asgjë për ta ndaluar atë.
Muajin e kaluar, një distrikt shkollor pagoi 100,000 dollarë për të zgjidhur një padi të ngritur nga një prind, fëmija i të cilit kishte ‘bërë kalimin në mënyrë të fshehtë’ pa dijeninë ose pëlqimin e saj. Jessica Konen pretendoi se distrikti shkollor Spreckels Union dhe tre nga punonjësit e tij ‘e bindën fshehurazi’ vajzën e saj se ishte biseksuale dhe transgjinore, e quajtën atë djalë, e udhëzuan të lidhte gjoksin dhe e lejuan të përdorte banjën e meshkujve në shkollë.
Mësuesit dyshohet se e nxitën vajzën e Konen të përdorte emrin e një djali, të vishte rroba për djem, të lexonte shkrime rreth kalimit gjinor dhe ‘të mos i tregonte nënës së saj për identitetin e ri gjinor ose emrin e ri, duke thënë se nëna e saj mund të mos e mbështeste dhe se ajo nuk mund t’i besonte nënës së saj.’
Kur shkolla e informoi përfundimisht Konen, ajo pretendoi se ajo shkoi me të nga frika se shteti mund t’’i merrte fëmijën.
Vajza ‘filloi të kthehej në veten e saj origjinale’ pas marsit 2020, kur Kalifornia kaloi në mësimet online për shkak të pandemisë Covid-19.
