Përplasje në Kuvend pasi kryetarja Nikolla lexoi një shkresë sipas së cilës Flutura Accka ishte caktuar kryetare e grupit parlamentar të PD-së.
I menjëhershëm ka qenë reeagimi i Gazment Bardhit i cili tha se PD-ja nuk e ka ndryshuar kreun e grupit, pozicion që mbahet prej tij.
Ai tha se është e papranueshme që shumica të ndërhyjë në punët e brendshme të grupit parlamentar të PD-së. Pas kundërshtisë së Bardhit, Nikolla kërkoi ndërhyrjen e Gardës.
“Grupi i PD nuk ka bërë asnjë ndryshim të kryetarit. Për anëtarët e grupit të PD është e papranueshme që maxhoranca të ndërhyjë në punët e brendshme të grupit parlamentar të PD-së.” – tha Bardhi.
Pjesë nga debati
Bardhi: Gënjyet kur thatë se po prisni opinion e zyrës juridike të Kuvendit.
Nikolla: Ju nuk rrini te vrima e çelësit të zyrës time të dini më kë flas unë.
Bardhi: Nuk mund të thërrisni lloj lloj deputeti që ju vjen në zyrë me lloj-lloj zari që ju vjen nga pas.
