Trembëdhjetë anglezë, anëtarë të një bande kriminale janë dënuar për grabitjen që realizuan në një shtëpi bari në Tunbridge Wells, ku mbeti i vrarë një shqiptar.
Xhovan Papaj bëri rezistencë për të mos i vjedhur kanabisin, por përfundoi i vdekur nga plagët e marra me thikë. Ngjarja ka ndodhur në orët e para të 4 dhjetori 2021, ku policia e gjeti 25-vjeçarin shqiptarin në katin e sipërm të ndërtesës, me plagë të shumta. Ai u shpall i vdekur në vendngjarje dhe pranë tij u gjend dhe thika e krimit e njollosur me gjak.
Gjatë 24 orëve të ardhshme një hetim nga Drejtoria e Krimeve të Rënda të Kent dhe Essex çoi në pesë arrestime. Në javët në vijim, tetë të dyshuar të tjerë u gjurmuan dhe u ndaluan.
Shërbimi i Prokurorisë së Kurorës autorizoi akuza kundër të 13 të dyshuarve dhe për shkak të numrit të madh të të pandehurve, çështja u nda në dy gjykime në gjykata të veçanta. Gjyqi i parë u mbajt në Loughborough. Më pas u pasua, më 18 maj 2023, me dënime në Old Bailey dhe rezultoi në vendimet e mëposhtme:
Ciaran Stewart, 20 vjeç, nga Curtis Road, Hornchurch, Essex u shpall fajtor për vrasje. Ai kishte pranuar më parë komplot për të kryer grabitje dhe u dënua me burgim të përjetshëm, ku do të vuajë një minimum prej 26 vjetësh (minus kohën e kaluar në paraburgim).
Kelvin Amoako, 18 vjeç, nga Norfolk Road, Ilford, Londra e Madhe u shpall fajtor për vrasje dhe komplot për të kryer grabitje. Ai u dënua me burgim të përjetshëm dhe do të vuajë minimumi 22 vjet (minus kohën e kaluar në paraburgim).
Bartosz Malaëski, 28 vjeç, nga Mitcham Road, Croydon u shpall fajtor për vrasje dhe komplot për të kryer grabitje. Ai u dënua me burgim të përjetshëm dhe do të vuajë minimumi 22 vjet (minus kohën e kaluar në paraburgim).
Nathan Rainforth, 22 vjeç, nga Gloucester Road, Pilgrims Hatch, Essex u shpall fajtor për vrasje dhe komplot për të kryer grabitje. Ai u dënua me shtatë vjet e gjysmë.
Donte Simpson-Palmer, 19 vjeç, nga Evesham Walk, Myatts Fields South, Londër u shpall fajtor për vrasje nga pakujdesia dhe komplot për të kryer grabitje. Ai u dënua me gjashtë vjet.
Charles Reilly, 28 vjeç, nga Roman Road, Mount Nessing, Essex u shpall fajtor për komplot për të kryer grabitje. Ai u burgos për dhjetë vjet.
Mohammed Miah, 26 vjeç, nga Highfield Road, Romford, Essex u shpall fajtor për komplot për të kryer grabitje. Ai u dënua me gjashtë vjet e gjysmë.
Gjyqi i dytë
Procedurat lidhur me të pandehurit e tjerë vazhduan në muajt në vijim.
Ray Renda, 23 vjeç, nga Albany Road, Pilgrims Hatch, Brentwood, Essex u deklarua fajtor në Gjykatën e Kurorës Isleworth për akuzat për vrasje dhe komplot për të kryer grabitje.
Në korrik, një gjyq në Gjykatën e Kurorës u mbajt për pesë shkelësit e mbetur në Gjykatat e Ligjit në Brighton.
Jonathan Hedges, 26 vjeç, nga Walton Road, Romford, Greater London.
Nathan Turner, 30 vjeç, nga Myrtle Road, Warley, Brentwood, Essex.
Zach Cutting, 25 vjeç, nga Roundhills, Waltham Abbey, Essex.
Glen Hough, 52 vjeç, nga Larchwood Gardens, Pilgrims Hatch, Essex.
Fabian Szymula, 21 vjeç, nga Callan Grove, South Ockendon, Essex.
Të enjten, më 14 shtator, një juri i shpalli të gjithë fajtorë për komplot për grabitje.
Szymula u shpall fajtor edhe për çoroditje të rrjedhës së drejtësisë, në lidhje me një shënim që iu dha një të pandehuri në gjyqin e parë. Dënimet për këta gjashtë persona do të bëhen më 30 tetor në të njëjtën gjykatë.
