Rusia do të kërkojë një shpjegim nga Kanadaja për duartrokitjet në parlament ndaj një ukrainasi që shërbeu në një divizion nazist gjatë Luftës së Dytë Botërore, ka thënë Oleg Stepanov, ambasadori i Moskës në Otavë.
Polemika shpërtheu për herë të parë javën e kaluar kur AP publikoi një foto të bërë në Dhomën e Komunëve që tregon presidentin ukrainas Vladimir Zelensky, duke shtrënguar grushtin së bashku me kryeministrin kanadez Justin Trudeau, ndërsa duartrokasin një person.
Në mbishkrimin e fotografisë thuhej se të dy udhëheqësit “njohin Yaroslav Hunka, i cili ishte i pranishëm dhe luftoi me Divizionin e Parë të Ukrainës në Luftën e Dytë Botërore, përpara se më vonë të emigronte në Kanada”.
Kryetari i Dhomës Anthony Rota e prezantoi Hunka, 98 vjeç, si “një veteran ukrainas-kanadez… i cili luftoi për pavarësinë e Ukrainës kundër rusëve”.
“Ai është një hero ukrainas, një hero kanadez dhe ne e falënderojmë për të gjithë shërbimin e tij”, shtoi ai.
