Japonia vendos të blejë raketa lundrimi ‘Tomahawk’ nga SHBA
Ministri japonez i mbrojtjes tha të mërkurën se Tokio do të fillojë blerjen e raketave të lundrimit Tomahawk nga SHBA më herët se sa ishte planifikuar në përgjigje të sfidave në rritje të sigurisë në Azi, raporton AA.
Minoru Kihara diskutoi në takimin e tij të parë ballë për ballë me Sekretarin e Mbrojtjes të SHBA-së Lloyd Austin në Uashington, DC.
“Në përgatitje për marrjen e aftësive kundërsulmuese që mundësojnë shënjestrimin e bazave të armikut nëse është e nevojshme, Japonia synon të blejë 400 raketa Tomahawk, të cilat kanë një rreze sulmi prej rreth 1600 kilometrash (994 milje)”, raportoi Kyodo News i Japonisë.
Japonia fillimisht kishte planifikuar të blinte raketat më të fundit Tomahawk Block-5 në vitet fiskale 2026 dhe 2027 për t’u vendosur në shkatërruesit e Forcave Vetë-Mbrojtëse Detare Aegis.
Sipas planit të rishikuar, ajo do të blejë deri në 200 raketa të versionit të mëparshëm Tomahawk midis fiskale 2025 dhe 2027 fiskale, ndërsa pjesa tjetër e blerjes do të përbëhet nga raketa më të reja të dorëzuara sipas planit origjinal.
Kihara theksoi se ky ndryshim i planit do të forconte ndjeshëm më shpejt aftësitë mbrojtëse të Japonisë.
Qeveria japoneze ka akorduar 211.3 miliardë jen (1.4 miliardë dollarë) në buxhetin fiskal 2023 për prokurimin e raketave.
Duke qenë se një pjesë e konsiderueshme e raketave që po blihen janë të versionit më të vjetër, rregullimi pritet të reduktojë koston e përgjithshme të prokurimit.
