Në seancën e kësaj të enjteje në parlament ka pasur përplasje mes deputetëve të mazhorancës dhe opzitës.
Shkak është bërë kërkesa e opozitës për të bërë ndryshime në komisionin e Reformës Zgjedhore.
Mazhoranca socialiste nuk ka pranuar kërkesën e grupit parlamentar të PD-së për të ndryshuar përbërjen e këtij komisioni.
Refuzimi për të ndryshuar komisionin e reformës zgjedhore ka bërë që disa deputetë të opozitës të bllokojnë foltoren e parlamentit dhe vendin ku ulet kryetarja Lindita Nikolla.
Në këto kushte, votimi është bllokuar dhe deputetët e opozitës pretendojnë se mazhoranca i ka mohuar opozitës një të drejtë kushtetuese.
