Katër muaj pas zgjedhjeve parlamentare qytetarët grekët u janë drejtuar këtë të dielë përsëri kutive të votimit në mbi 22000 qendra, kësaj herë për të zgjedhur përfaqësuesit e pushtetit lokal. Janë rreth 9.7 milionë grekë të regjistruar në listat zgjedhore që do të vendosin fatin e këtyre votimeve, të cilat deri më tani po zhvillohen pa probleme.
Procesi i votimit ka nisur në orën 07:00, me përjashtim të disa qendrave të votimit, ku mungesa e disa anëtarëve të komisioneve zgjedhore e përfaqësuesve gjyqësorë shkaktoi disa minuta vonesë.
Gjithsej janë 1222 formacione lokale që pretendojnë këshillat e 332 bashkive të vendit, ndërsa 78 të tjera luftojnë për 13 qarqet e Greqisë, 12 prej të cilave mbahen nga konservatorët në fuqi, të cilët shpresojnë të fitojnë edhe qarkun e Kretës, raportojnë mediat greke.
Fituesit marrin mandatin e tyre 5 vjeçar në 1 janar 2024. Të drejtë vote kanë të gjithë qytetarët që kanë mbushur moshën 17 vjeç dhe janë të regjistruar në listën zgjedhore të bashkisë. Edhe kësaj here nuk mungojnë në listat e kandidatëve për këshilltarë bashkiakë apo qarku shtetasit shqiptarët që kanë të drejtë vote në Greqi. Kutitë mbyllen pas 12 orësh,ndërsa rreth orës 9 të mbrëmjes ora lokale do të fillojnë të dalin rezultatet e para.
