Një tjetër tërmet ka goditur Afganistanin perëndimor vetëm disa ditë pasi dy tërmete të mëdha në të njëjtin rajon vranë më shumë se 1000 njerëz.
Tërmeti i ri me magnitudë 6.3 goditi rreth orës 05:10 me orën lokale (00:40 GMT) të mërkurën, 28 km (17 milje) në veri të qytetit të Heratit.
Më shumë se 100 u plagosën dhe u dërguan në spital, thanë zyrtarët shëndetësorë.
Ndikimi më i gjerë nuk është ende i qartë, por shumë ishin duke fjetur në ambient të hapur pasi shtëpitë e tyre u shkatërruan të shtunën, sipas BBC.
Agjencitë e ndihmës kanë thënë se ka gjithashtu mungesë të batanijeve, ushqimeve dhe furnizimeve të tjera.
Të gjitha 700 shtëpitë në fshatin Chahak, i cili nuk ishte prekur nga tërmeti i kaluar, u shembën të mërkurën.
Në Chahak nuk u raportua për të vdekur, pasi banorët janë strehuar nëpër tenda këtë javë, nga frika se tërmetet do të vazhdojnë ta godasin Heratin.
