Blinken ndodhet në një takim me kryeministrin e Izraelit, Benjamin Netanyahu.
Ai thotë se është mirënjohës që është kthyer në Izrael gjatë një momenti ‘tepër të vështirë’ për të gjithë botën.
“Është e pamundur për mua të shikoj fotot e familjeve të vrara dhe të mos mendoj për fëmijët e mi”, thotë ai.
“Fëmijët e masakruar, trupat e përdhosur, të rinjtë djegur të gjallë, gratë e dhunuara, prindërit e ekzekutuar para syve të tyre, fëmijët para prindërve të tyre. “Si ta kuptojmë këtë”? pyet ai
Blinken përgëzon trimërinë e qytetarëve izraelitë. Gjithashtu ai u shpreh se kushdo që dëshiron paqe dhe drejtësi duhet të dënojë mbretërimin e terrorit të Hamasit, raporton BBC.
“Hamasi ka vetëm një axhendë , për të shkatërruar Izraelin dhe për të vrarë hebrenjtë” u shpreh Blinken.
Megjithatë, ai paralajmëron se duhen marrë masa paraprake për të shmangur dëmtimin e civilëve të çdo kombësie.
“Prandaj është kaq e rëndësishme që të merren të gjitha masat e mundshme për të shmangur dëmtimin e civilëve të çdo besimi dhe të çdo kombësie” vijoji më tej Blinken.
