Forcat izraelite u shënjestruan nga një raketë antitank të mërkurën herët në afërsi të kufirit libanez, sipas një deklarate të ushtrisë izraelite.
“U morën raporte pak më parë se një raketë antitank u lëshua nga një forcë ushtarake në zonën e qytetit të Shtula dhe pranë gardhit të sigurisë në kufirin libanez,” tha ushtria në një deklaratë në X.
“Forcat izraelite u përgjigjën me granatime artilerie drejt burimit të zjarrit”, shtoi deklarata.
Ushtria nuk sqaroi në deklaratën e saj nëse sulmi shkaktoi viktima. Të martën, grupi Hezbollah tha se pesë nga anëtarët e tij u vranë në Libanin jugor gjatë përplasjeve me ushtrinë izraelite, duke e çuar numrin e të vdekurve nga përballjet me forcat izraelite që nga fillimi i operacionit të Hamas-it ‘Al-Aksa Flood’ në nëntë.
Në një deklaratë të veçantë, Hezbollah njoftoi të martën se kishte në shënjestër ‘një automjet të ushtrisë izraelite në zonën Metulla (në Izraelin verior).
Ai gjithashtu përmendi në një deklaratë tjetër se kishte në shënjestër vende të tjera izraelite.
Të martën në mëngjes, ushtria izraelite bombardoi zonat kufitare në Libanin jugor dhe hodhi bomba fosfori në Rrafshin Marjayoun-Khiam, sipas raporteve të mediave libaneze.
