Sekretari i Përgjithshëm i OKB-së, António Guterres, ka thënë në samitin e paqes në Kajro se ka ardhur koha për “veprim për t’i dhënë fund këtij makthi të tmerrshëm” dhe bëri thirrje për një armëpushim të menjëhershëm humanitar.
“Unë bëj thirrje për një armëpushim humanitar tani,” tha ai.
Ai tha se dje pa kamionë me ushqime të rreshtuar në kufirin Rafah në njërën anë, ndërsa kishte “bark bosh nga ana tjetër”.
Ai thotë se i është mirënjohës Egjiptit për rolin e tyre në mundësimin e kolonës së sotme, por që njerëzit në Gaza kanë nevojë për shumë më tepër, sipas The Guardian.
“Asgjë nuk mund të justifikojë” sulmin nga Hamasi, tha ai, por shtoi se këto sulme nuk mund të justifikojnë kurrë “dënimin kolektiv” kundër popullit palestinez.
Konventat e Gjenevës duhet të mbështeten, tha ai, dhe bëri thirrje për ndihmë të menjëhershme për Gazën dhe lirim të menjëhershëm pa kushte të pengjeve.
Një zgjidhje me dy shtete është shpresa e vetme për paqen, tha ai. “Ka ardhur koha për veprim. Veprim për t’i dhënë fund këtij makthi të tmerrshëm.”
Në një seri postimesh të shtunën, organizata ndërkombëtare mjekësore tha se spitalet e Gazës janë “të mbingarkuar dhe me mungesë burimesh”.
“Kohët e fundit ne kemi bërë një donacion të madh të stokut mjekësor, duke përfshirë ilaçe, narkotikë dhe pajisje mjekësore në spitalin Al Shifa, objekti kryesor kirurgjik në brez”, shtoi organizata.
“Dorëzuam gjithçka që kishim mbetur, të gjitha furnizimet tona mjekësore, në spitalin Al Shifa në qytetin e Gazës, dy ditë më parë. Ne pamë qindra njerëz duke u strehuar dhe ishte e vështirë të ecje brenda”, tha Loay Harb, një infermiere e MSF në Gaza.
