Kërkesa globale për naftë, gaz natyror dhe qymyr dhe ndotja e karbonit që ato prodhojnë, pritet të arrijë kulmin më vonë këtë dhjetëvjeçar, sipas një raporti të ri nga Agjencia Ndërkombëtare e Energjisë.
Nxitja e ndryshimit do jetë ‘rritja fenomenale’ e burimeve të pastra të energjisë, tha agjencia me bazë në Paris në raportin e saj vjetor World Energy Outlook, botuar të martën.
Agjencia tha se pret që të ketë gati 10 herë më shumë makina elektrike në rrugë deri në fund të vitit 2030 dhe që burimet e rinovueshme të përbëjnë pothuajse gjysmën e përzierjes globale të energjisë, nga 30% që është sot.
Ngadalësimi i rritjes në Kinë do ulë gjithashtu kërkesën për lëndë djegëse fosile. Ekonomia e dytë më e madhe në botë dhe konsumatori më i madh i energjisë, ka arritur një ‘pikë të përkuljes’, tha IEA, me kërkesën e saj totale për energji të vendosur të arrijë kulmin rreth vitit 2025. Kina po bëhet gjithashtu një ‘energji e pastër’ dhe llogaritet për më shumë se gjysmën e shitjeve të automjeteve elektrike në mbarë botën vitin e kaluar.
“Kalimi drejt energjisë së pastër po ndodh në mbarë botën dhe është i pandalshëm. Nuk është një çështje nëse, është vetëm një çështje sa shpejt do ndodhë dhe sa më shpejt, aq më mirë për të gjithë ne.” – tha në një deklaratë drejtori ekzekutiv i IEA Fatih Birol.
Raporti i IEA-s sfidon thirrjet e Organizatës së Vendeve Eksportuese të Naftës (OPEC), një grup i vendeve më të mëdha prodhuese të naftës në botë, për triliona dollarë investime të reja në këtë sektor nga tani deri në vitin 2045 për të parandaluar një rritje të çmimeve të energjisë.
