Ministria e Shëndetësisë e enklavës palestineze publikoi sot një listë me detajet e identitetit të 7028 personave që janë vrarë në Rripin e Gazës që nga fillimi i bombardimeve izraelite më 7 tetor.
Forcat e Armatosura të Izraelit (IDF) dhe presidenti amerikan Joe Biden kanë kundërshtuar publikisht llogaritë e lëshuara nga autoritetet e kontrolluara nga Hamasi në Rripin e Gazës.
Duke iu përgjigjur dyshuesve, ministria e shëndetësisë e Gazës publikoi një listë prej 212 faqesh të emrave të viktimave. Ajo kishte njoftuar më herët se deri më tani 7,028 njerëz, duke përfshirë 2,913 fëmijë dhe 1,709 gra, janë vrarë që nga fillimi i bombardimeve izraelite më 7 tetor. Sipas informacioneve përkatëse janë plagosur 18484 persona.
Lufta mes Izraelit dhe Hamasit është në ditën e saj të 20-të dhe është më vdekjeprurësja që nga tërheqja e forcave izraelite nga enklava palestineze në vitin 2005, dy vjet para se grupi islamik të vinte në pushtet.
The Ministry of Health has published the names of 7,028 Palestinians, including 2913 children murdered in Israeli airstrikes in #Gaza. pic.twitter.com/0iMZJPcciv
— PALESTINE ONLINE 🇵🇸 (@OnlinePalEng) October 26, 2023
