Kryeministri australian Anthony Albanese njoftoi të mërkurën një shtesë prej 15 milionë dollarësh ndihmë humanitare për civilët në Gaza, duke e çuar ndihmën totale të premtuar nga vendi në 25 milionë dollarë, shkruan CNN.
“Kjo shton 10 milionë dollarët që Australia ka angazhuar tashmë dhe do të ndihmojë në dhënien e ndihmës jetëshpëtuese si uji i urgjencës dhe shërbimet mjekësore,” tha Albanese gjatë një konference të përbashkët shtypi me presidentin amerikan Joe Biden në Uashington.
Albanese gjithashtu dënoi “terrorizmin e Hamasit” për humbjen e çdo jete të pafajshme, qoftë kjo izraelite apo palestineze Të mërkurën, Australia bëri thirrje për “pauzë humanitare mbi armiqësitë” në Gaza për të lejuar furnizimet të hyjnë dhe kalimin e sigurtë për civilët, sipas një deklarate të ministres së jashtme Penny Wong.
