Armët po kontrabandohen nga Ukraina në Rusi. Kështu u shpreh Presidenti rus, Vladimir Putin gjatë një takimi me Këshillin e Sigurimit të Rusisë.
“Duhet të mendohet se si armët dhe municionet vijnë në Rusi ilegalisht. Përfshirë, meqë ra fjala, nga territori ukrainas. Armët e tilla nuk përfundojnë në Forcat tona të Armatosura, por në territorin rus,” tha kreu i shtetit, shkruan Tass.
Sipas Putinit, është e nevojshme të shikohen të gjitha këto kanale, se si organizohen masat e monitorimit të agjencive dhe të shikohet se çfarë duhet bërë për të përforcuar më tej bazën ligjore.
“Kjo çështje është gjithmonë e rëndësishme, nuk do të thellohem në detaje tani, por është veçanërisht e rëndësishme sot, duke marrë parasysh kushtet në të cilat jetojmë, ku jeton vendi,” shpjegoi ai.
