Numri i njerëzve të vrarë nga zjarri në një minierë qymyri në rajonin Karaganda të Kazakistanit është rritur në 42, thanë autoritetet të dielën.
“Që nga ora 15:00, trupat e 42 të vdekurve u gjetën dhe kërkimi për 4 minatorë vijon”, tha Ministria e Situatave Emergjente në një deklaratë, duke shtuar se një operacion kërkim-shpëtimi ishte ende duke u zhvilluar.
Të premten vonë, një zjarr shpërtheu në minierën e qymyrit Kostenko të operuar nga ArcelorMittal, një korporatë shumëkombëshe e prodhimit të çelikut me bazë në Luksemburg, ku punonin 252 punëtorë.
Pas incidentit, presidenti i Kazakistanit Kassym-Jomart Tokayev urdhëroi qeverinë të ndërpresë bashkëpunimin me grupin dhe shpalli 29 tetorin si ditë zie kombëtare.
